Gunnar Smári skrifar:
Auðvaldssinnar telja að fylgi Sósíalistaflokksins felli hlutabréf í Hong Kong.
Sumir flokkar hafa ekkert að selja nema óttann. Þótt þeir reyni að boða land tækifæranna þá grípa þeir alltaf á endanum til hótana og hræðsluáróðurs. Sjálfstæðisflokkurinn hefur kúvent sínu kosningaerindi í sölu á ótta, hafa enga von að selja. Jafnvel hrun kínversk fasteignafélagsins sem hefur fellt hlutabréfamarkaði um allan heim vilja íslenskir auðvaldssinnar skýra með vinstri sveiflu í íslenskum stjórnmálum, að fylgi Sósíalistaflokksins felli hlutabréf í Hong Kong.
Þetta eru Staksteinar dagsins. Svona skrifa þeir sem hafa ekkert að bjóða nema ótta, fólk sem á sér enga von eð framtíð. Svona talar nýfrjálshyggjan í dauðahryglunum.
Staksteinar:
Afleiðingar atkvæðisins
Hlutabréfamarkaðurinn íslenski tók nokkuð skarpa dýfu í gærmorgun, fyrsta dag viðskipta eftir að Morgunblaðið birti skoðanakönnun þar sem vinstrisveifla var greinileg og ríkisstjórnin hafði misst meirihluta sinn. Hægt er að halda því fram að dýfan sé að hluta til vegna áhrifa frá erlendum mörkuðum, en lækkunin er þó mun meiri hér en á mörkuðum nágrannalandanna og erfitt að verjast þeirri hugsun að fjárfestar óttist vinstristjórn.
—
Raunar hefur glitt í vinstristjórn fyrr og segja má að megnið af þessum mánuði hafi íslenski markaðurinn lækkað umtalsvert og verður óvissa vegna kosninganna að teljast líkleg skýring.
—
Þetta er skiljanlegt því að augljóst má vera að nái vinstriflokkarnir saman um stjórnarmyndun verði afleiðingarnar meiri lausatök í ríkisfjármálum, aukin skuldasöfnun og aukin skattheimta.
—
Seðlabankinn hefur gefið það skýrt til kynna að aukin lausatök í fjármálum ríkisins muni ýta undir vaxtahækkanir, enda væru þau viðbrögð óhjákvæmileg.
—
Annað sem óhjákvæmilega mundi fylgja slíkri stefnubreytingu er versnandi fjárhagsleg staða almennings, bæði vegna hærri skatta og hærri vaxta.
—
Kjósendur eiga valið eins og vera ber, en mikilvægt er að þeir geri sér grein fyrir að valið mun hafa afleiðingar.