Mannlíf Það verður mikið um að vera í Listasafni Reykjavíkur á Safnanótt. Við opnum glæsilega Kjarvalssýningu á Kjarvalsstöðum og þar mun starfsfólk safnsins leiða gesti um sýninguna sem inniber fjölda verka úr sjaldséðu einkasafni. Einnig verða leiðsagnir um sýningar okkar í Hafnarhúsi og í Ásmundarsafni. Brugðið verður á leik í fjölskylduvænni límbandssmiðju í Hafnarhúsi, litið til stjarnanna í Ásmundarsafni og gestum verður boðið upp á fjölbreytta tónlist. Í Hafnarhúsi verður pop-up vínbar frá Frú Laugu. Eitthvað fyrir alla og frítt inn!
ÁSMUNDARSAFN / Sigtún, 105 Reykjavík
Kl. 19-24
Viltu vita meira um sýninguna?
Geimþrá
Starfsfólk frá fræðsludeild Listasafns reykjavíkur verður á staðnum og fræðir gesti um sýninguna Geimþrá sem nú stendur yfir í Ásmundarsafni.
Kl. 20-22
Stjörnuskoðun
Stjörnuskoðunarfélag Seltjarnarness stendur fyrir stjörnu-skoðun í garðinum umhverfis Ásmundarsafn. Félagsmenn verða með nokkra stjörnusjónauka á staðnum og fræða gesti og gangandi um hin ýmsu fyrirbæri himingeimsins.
Kl. 22
Tónleikar: DJ flugvél og geimskip
Tónlistarkonan Steinunn Harðardóttir, sem kallar sig DJ flugvél og geimskip, heldur tónleika á sýningunni Geimþrá í Ásmundarsafni.
HAFNARHÚS / Tryggvagata 17, 101 Reykjavík
Kl. 19-24
Viltu vita meira um sýninguna?
Tilurð Errós 1955-1964 / Monika Grzymala: Hugboð / Aftur í sandkassann – Listir og róttækar kennsluaðferðir / Sæmundur Þór Helgason: Ávöxtun %
Starfsfólk frá fræðsludeild Listasafns Reykjavíkur verður á staðnum og fræðir gesti um yfirstandandi sýningar í Hafnarhúsi.
Kl. 19-21
Teip-smiðja
Skapaðu þitt eigið listaverk! Gestum er boðið að búa til þrívíða skúlptúra úr límbandi í fjölnotasal Hafnarhússins undir áhrifum frá sýningu Moniku Grzymala, Hugboð sem nú stendur yfir í A sal. Þar vinnur listamaðurinn innsetningu úr lituðu límbandi.
Kl. 19-24
Pop-up vínbar Frú Laugu á 2. hæð
Hverfisverslunin Frú Lauga flytur inn léttvín sem hægt er að panta á heimasíðu fyrirtækisins www.frulauga.is. Vínin eru lífræn eða bíódýnamísk (lífefld) og án aukaefna. Gestum Hafnarhúss á Safnanótt gefst kostur á því að bragða á vínunum á pop-up barnum á annarri hæð hússins.
Kl. 21-24
DJ Krystal Carma
Plötusnúðurinn Krystal Carma (Arnljótur Sigurðsson) spilar fyrir gesti frá kl. 21 til miðnættis.
KJARVALSSTAÐIR / Flókagata 24, 105 Reykjavík
Kl. 19-24
Viltu vita meira um sýninguna?
Jóhannes S. Kjarval: Hugur og heimur
Starfsfólk frá fræðsludeild Listasafns Reykjavíkur verður á staðnum og fræðir gesti um sýninguna Jóhannes S. Kjarval: Hugur og heimur sem opnaði í dag á Kjarvalsstöðum.
Kl. 21
Tónleikar: Tríó Reykjavíkur
Guðný Guðmundsdóttir og Richard Simm flytja nokkrar af perlum fiðlubókmenntanna. Á verkalistanum eru Rómanza Beethovens, Introduction og Rondo Capriccioso eftir Saint-Saëns, Sónata fyrir fiðlu og píanó eftir Jón Nordal hinn sívinsæla Csárdás eftir Monti.
Kl. 22-24
DJ api pabbi
Plötusnúðurinn api pabbi (Pétur Eggertsson) spilar fyrir gesti frá kl. 22 til miðnættis.
