Katrín Baldursdóttir:
Fyrirlitning ríkisstjórnarinnar á öryrkjum er algjör. Ungu fólki með fatlanir og ýmsa sjúkdóma er hent bjargarlausu út á götu án lífsviðurværis vegna þess að Tryggingastofnun neitar að greiða þeim örorkulaun jafnvel þó sérfræðilæknar hafi úrskurðað að frekari endurhæfing muni ekki skila árangri og því ekki önnur úrræði en örorka. Ásmundur Einar Daðason félags-og barnamálaráðherra Framsóknarflokksins hefur verið upplýstur um þetta en gerir ekkert. Umboðsmaður Alþingis finnur sig því knúinn til þess að krefja Ásmund svara.
