„Það er margsannað að sú leið sem Sjálfstæðisflokkurinn mælir fyrir er besta, árangursríkasta og skynsamlegasta leiðin,“ skrifar Jón Gunnarsson þingmaður og frambjóðandi í prófkjöri.
En hinkrum aðeins við þessa fullyrðingu Jóns. Gefum Jóhanni Þorvarðarsyni, greinarhöfundi hér á Miðjunni orðið:
„Alla öldina hefur hugmyndafræði Sjálfstæðis- og Framsóknarflokks stjórnað landinu ef frá eru talin fjögur ár eftir fjármálahrunið. Þá tók Velferðarstjórn Jóhönnu Sigurðardóttur við og hóf endurreisn. Það er því áhugavert að skoða hvernig landinu hefur farnað frá aldamótum,“ skrifar Jóhann og tók saman þetta fína graf sem er hér til vinstri.
Svo segir Jóhann: „Fram hjá því verður ekki litið að hugmyndafræði Sjálfstæðis- og Framsóknarflokks í efnahagsmálum er komin á leiðarenda, hún er örend. Ofur-eymdarvísitalan lýgur engu! Hér vegur þungt að ríkjandi efnahagsstefna færir einkageiranum einkaleyfi til atvinnusköpunar. Við þær aðstæður sem uppi eru í dag þá tekur það of langa tíma að skapa verðmæt störf og vinna á atvinnuleysinu. Þess vegna getur hið opinbera ekki verið aðgerðarlaust á hliðarlínunni þegar kemur að atvinnusköpun.“
Eigum við nokkuð að taka undir með Jóni Gunnarssyni þegar staðreyndirnar tala allt öðru máli en Jón.
-sme
