Segir Pírata eyða trausti á stjórnmálum

Davíð Oddssyni er misboðið. Píratar hafa gengið þannig fram að Davíð fyrrverandi er ekki skemmt.

„Það hef­ur verið held­ur öm­ur­legt að fylgj­ast með umræðu á Alþingi síðustu daga, ekki síst mála­til­búnaði pírata sem sökkva æ dýpra í sýndarmennskufenið. Á þriðju­dag fór fram sér­stök umræða að þeirra frum­kvæði und­ir yf­ir­skrift­inni: „Traust á stjórn­mál­um og stjórn­sýslu.“ Þær umbúðir voru þó aðeins yf­ir­skin því að til­gang­ur umræðunn­ar var ber­sýni­lega að stilla for­sæt­is­ráðherra, sem var til svara, upp og reyna að fá fram úti­lok­un­ar­yf­ir­lýs­ingu,“ skrifar ritstjórinn.

Ekki er nema von að Davíð skilji ekki allt og alls ekki Pírata sem hafa áhyggjur af spillingunni hér á landi. Og hversu nátengdur Sjálfstæðisflokkurinn er henni.

„Útil­ok­un­ar­menn­ing­in er það sem heill­ar pírata mest um þess­ar mund­ir og mark­miðið er að úti­loka Sjálf­stæðis­flokk­inn frá stjórn­arþátt­töku. Hingað til hafa flokk­ar reynt að kom­ast áfram á eig­in verðleik­um og hafa í leiðinni bent á galla annarra, en pírat­ar hafa enga stefnu. Þeirra mark­mið um þess­ar mund­ir er að ræða spill­ingu, reyna að finna hana hvort sem við á eða ekki, og klína svo til­bún­ingn­um á einn stjórn­mála­flokk,“ skrifar Davíð og veit ekki sitt rjúkandi ráð.

„Pírat­ar af­hjúpuðu sig illi­lega í þess­ari sér­stöku umræðu og staðfestu að þeir standa ekki fyr­ir neitt, ætla öðrum allt illt og vilja nota upp­nám og spill­ing­ar­tal til að fleyta sér aft­ur inn á þing í haust, langt um­fram verðleika.

Í fyrra­dag bættu þeir svo um bet­ur með því að senda er­indi til ÖSE með ósk um kosn­inga­eft­ir­lit í haust. Átyll­an er meint spill­ing hér á landi.

Það þarf eng­inn að undr­ast að traust á stjórn­mál­um sé lítið hér á landi þegar slík­ir menn velj­ast á þing.“