Drífa pirrar Davíð

Davíð Oddsson er maður fortíðarinnar. Sættir sig ekki við breytingar. Eitt að versta sem hann veit um er núverandi forysta launþega. Nýja fólkið stingur niður fæti. Davíð er í hópnum sem fann endalaust að því að Ragnar Þór Ingólfsson sagði fjárfestingu í Icelandair ekki góða. Það fannst Mogga og Borgartúninu óviðeigandi.

Í Staksteinum dagsins reiðist Davíð vegna þess að forseti ASÍ spyr talsmenn stjórnmálaflokkanna um stefnu þeirra fyrir kosningarnar. Drífa Snædal fékk Gunnar Smára frá Sósíalistaflokknum. Það var of stór skammtur fyrir Davíð. Hann hlustaði samt. En þótti þetta allt aldeilis óviðeigandi.

„Sum verka­lýðsfé­lög eru að hita upp fyr­ir alþing­is­kosn­ing­arn­ar í haust og hyggj­ast að því er virðist taka þátt í þeim með áður óþekkt­um hætti. Drífa Snæ­dal, for­seti ASÍ, er til að mynda far­in að senda út viðtöl á vef sam­tak­anna og fyrsta viðtalið var huggu­legt drottn­ing­ar­viðtal við aðal­eig­anda Sósí­al­ista­flokks­ins þar sem hann fékk að fabúl­era á sinn hátt und­ir mik­illi velþókn­un spyr­ils­ins.“

Bíðum aðeins við. Hvað sagði Davíð um Gunnar Smára? „Aðal­eig­anda Sósí­al­ista­flokks­ins.“ No, það er bara svona. Var Davíð þá til dæmis aðaleigandi Sjálfstæðisflokksins, eða hélt hann að bara?

Hvað mundi Drífa vilja að gert væri ef hún byggi í Ísra­el…

Áfram með pirringinn í Davíð. Nóg er af honum:

„Svo sendi Drífa í gær frá sér pist­il þar sem hún ít­rekaði þá af­stöðu að það væri nóg til og sýndi því jafn lít­inn skiln­ing og áður að fram­leiða þurfi verðmæt­in áður en þau verði til skipt­anna.

Þessi pist­ill mun líka hafa átt að vera svar við þeirri ábend­ingu Boga Nils Boga­son­ar, for­stjóra Icelandair, að launa­hækk­an­ir síðustu ára hefðu verið „úr kort­un­um miðað við sam­keppn­islönd­in“. Hann nefndi að hér hefði launa­hækk­un­in verið 10% en 0-2% í sam­keppn­islönd­un­um, sem hann sagði gera sam­keppn­ina „krefj­andi“ fyr­ir Icelandair. Það er ör­ugg­lega ekki of­mælt.“

Er víst að mat Boga Nils á stöðunni sé merkara en mat Drífu. Það held ég ekki. Svo steig Drífa yfir á heilagt sprengjusvæði Davíðs. Lesið:

„Loks hjólaði Drífa í Ísra­el fyr­ir að verja sig gegn árás­um Hamas og við það vakna spurn­ing­ar. Hvað mundi Drífa vilja að gert væri ef hún byggi í Ísra­el og sætti árás­um hryðju­verka­sam­tak­anna?

Og: Hvernig gagn­ast það launa­mönn­um á Íslandi að ASÍ taki þátt í bar­áttu með til­tekn­um öfl­um fyr­ir botni Miðjarðar­hafs? Nú eða blandi sér í inn­an­land­spóli­tík? Eru all­ir sem greiða til ASÍ á einu máli í stjórn­mál­um?“

Angans karlinn.

-sme