„Kynnt eru tvö verkefni á fundi borgarráðs sem snúa að þjónustu og nýsköpunarsviði. Heildarupphæð þessara tveggja verkefna eru 2.235.000.000 kr. Þetta er algjört brjálæði miðað við fjárhagsstöðu borgarinnar,“ sagði Vigdís Hauksdóttir í borgarráði.
„Það er ekki það einasta heldur var samþykkt að taka á leigu viðbótarhúsnæði fyrir aukna starfsemi hjá sviðinu. Um er að ræða um 314 fermetra húsnæði og er leigusamningur tímabundinn og lýkur leigutíma 31. október 2023. Leiga er krónur 942.000 á mánuði sem gerir tæpar 30 milljónir yfir tímabilið. Sviðið er því að fá tæpa 2,4 milljarða. Þetta er eins og í lygasögu,“ bætti Vigdís við.
„Hvers vegna þarf sviðið að leigja nýja 314 fermetra? Flest öll verkefni sem sviðið fer í er útvistað til fyrirtækja út í bæ og því hafa þessir aðilar starfsstöð á sínum vinnustað. Inni liggur ítarleg fyrirspurn um verktaka hjá þjónustu og nýsköpunarsviði því áður hafði borist svar að fáir verktakar væru á sviðinu. Þetta verklag gengur ekki upp og fer gegn lögum. Munurinn á verktaka og launamanni eru skýr og hafa fallið margir úrskurðir hjá yfirskattanefnd því tengdu. Er það virkilega svo að Reykjavíkurborg er að útvega húsnæði fyrir fyrirtæki út í bæ?“
Hér má sjá það sem Vigdís deilir svo hart á.
