Gunnar Smári skrifar: Fréttaljós úr fortíð:
Dæmi um nýsköpun Sjálfstæðisflokksins, hvernig Radíóverkstæði Landssímans var kæft svo heildsalar fengju þóknun af innflutningi tækja sem áður voru smíðuð þar. Það er náttúrlega ómögulegt að segja hvert Radíóverkstæðið hefði þróast, en því var fórnað að kröfu heildsala í nafni einhverra kenninga um að heildsalagróði væri öllum gróða betri. Það er eiginlega hlutverk Sjálfstæðisflokksins, að halda uppi kenningum sem lætur fólk líða betur með að 1% hinna ríkustu auðgist á kostnað heildarinnar.
Takið eftir verðmuninum í greininni. Íslensku tækin kosta 11-12 þúsund kr. en þau sænsku, sem fullyrt er að séu lélegri, 1,5 til 2 m.kr. Á núvirði eru þetta nánast sömu upphæðir (það er búið að taka tvö núll af gömlu krónunni) eða um 14 þús. kr. á móti 2,1 m.kr. Innflutta tækið er 150 sinnum dýrara. Af því má ætla að um helmingurinn, um ein milljón, hafi runnið til heildsalans.
