Uppfærsla, vegna óska er hér sagt að höfundur bréfsins hér að neðan er Arnþór Jónsson, fyrrum formaður SÁÁ.
Bréf sent framkvæmdastjórnar SÁÁ:
Í fundargerð framkvæmdastjórnar frá 7. janúar 2021 kemur fram að þjónusta göngudeildar SÁÁ „hefur verið meira í formi fjarviðtala þar sem hópastarf er takmarkað vegna reglna um samkomubann.“
Rétt er að göngudeildarhúsin í Reykjavík og á Akureyri hafa verið lokuð og læst frá því í mars á síðasta ári og þjónustumagnið fallið um helming. Sambærileg göngudeildarþjónusta fíknigeðdeildar Landspítala virðist hafa verið opin á sama tíma með hópastarfi og viðtalsþjónustu auk þess sem innlagnir í afeitrun og annað þjónustumagn fíknigeðdeildarinnar hefur líklega verið eins og í hverju öðru meðalári. Hvaða reglur er verið að vísa í sem gilda með þessum hætti um SÁÁ en ekki um fíknigeðdeild Landspítalans eða aðra heilbrigðisþjónustu um allt landi? Hvergi hefur verið lokað nema hjá SÁÁ.
Í fundargerð framkvæmdastjórnar frá 29. október 2020 er tilkynnt sérstaklega um framkvæmd HR Monitor starfsánægjukönnunar. Það hefur greinilega verið ákveðið að þegja um niðurstöðuna fyrst ekkert er sagt meira um málið í síðari fundargerðum framkvæmdastjórnar en útkoma þessarar starfsánægjukönnunar varð mjög slæm. Fyrst skýrt var frá könnuninni í upphafi ætti að birta niðurstöðuna en ekki beita þöggun.
Óskað er eftir því að framkvæmdastjórn og ábyrgðaraðilar meðferðarsviðs kanni framgöngu Harðar Oddfríðarsonar, ráðgjafa SÁÁ, í máli Ágústs Ólafs Ágústssonar alþingismanns og uppstillingarnefndar Samfylkingarinnar þar sem Hörður situr.
Ágúst er skjólstæðingur SÁÁ og hefur leitað til okkar með sín viðkvæmustu mál.
Það hlýtur að vera óbærileg staða fyrir Ágúst og alvarlegur trúnaðarbrestur hjá SÁÁ að Hörður Oddfríðarson skuli standa í opinberu orðaskaki og þrasi um áfengisvanda Ágústs og afleiðingar hans.
Orðið skjólstæðingur hefur algerlega misst merkingu sína í þessu einstaka ofbeldissambandi ráðgjafa og sjúklings.
Ég get ekki skilið hvernig hægt er að bjóða fram þjónustu þar sem skjólstæðingar SÁÁ eru ekki varðir af siðareglum heilbrigðisstarfsfólks.
Afrit sent stjórn SÁÁ
Þjóð Veit þá Þrír vita.