„Eftir bankafall höfðu hinir raunverulegu vinstri flokkar staðið vikum saman fyrir árásum á Alþingi Íslendinga. Munaði minnstu að atlagan tækist. Landsþekktur lögmaður úr þeim selskap harmaði nýlega að svo fór! Þar sem byltingartilraunir hafa verið reyndar á síðari tímum hefur það jafnan verið sagt brýnasta verkefnið í slagnum að leggja undir sig útvarpsstöð,“ segir meðal annars í Reykjavíkurbréfi morgundagsins.
Enn er það Ríkisútvarpið sem er ritstjóranum ofarlega í huga.
„Útvarpið varð strax með og útvarpaði öllu gagnrýnislaust dögum saman, hrakyrðum sem öðru, sem sjálfkjörnir leiðtogar byltingarinnar létu út úr sér. Eftir fall banka, hér sem annars staðar, voru menn úfnir, sárir og reiðir. Aðeins hér tókst þó að spila á þær tilfinningar svo að næstum færi enn verr en þó fór.“