Þetta hefur mótað líf mitt æ síðan, og ég verið ranglega talinn yfirgangssamur og tapsár.
Halldór Árni Sveinsson skrifar:
Yfirlýsing/fréttamannafundur – Ég var réttkjörinn umsjónarmaður í 8 ára bekk í Öldutúnsskóla.
Hér með lýsi ég því yfir að ég var kosinn með meirihluta atkvæða umsjónarmaður í K bekknum haustið 1963, og hefði því átt að færa Friðbirni Hólm kennara, mætingakladdann á hverjum degi, ekki Guðjón Ólafsson, sem stal sigrinum af mér. Sumir félaga hans réttu upp hendi þegar nöfn okkar voru bæði lesin, og sumir réttu upp báðar hendur – í bæði skiptin. Haustið 1964, 65 og 66 var svipað svindl viðhaft, og augljós sigur hafður af mér. Bæði Ingvar Geirsson og Siggi Kristjáns, sem þóttist þó vera vinur minn, töldu vísvitandi vitlaust. Og Steinunn Guðna, sem hefur beitt sér í mörgum málum, hefur aldrei viljað taka þetta mál aftur upp. Hvað er á bak við það?
Gerum Öldutúnsskóla frábæran á ný!
Þetta hefur mótað líf mitt æ síðan, og ég verið ranglega talinn yfirgangssamur og tapsár. Það er tóm della! Ég veit allt um sálfræði og svoleiðis. Í raun er ég helsti sérfræðingur landsins í því. En ég hef fengið stóð af lögfræðingum til að taka þetta mál upp og við byrjum á morgunn. Við munum krefjast endurtalningar í þessum ólögmætu kosningum, fyrir öll fjögur árin, og þið, svokölluðu bekkjarfélagar mínir, verðið kvödd til að endurtaka kosningarnar. Hvert ár fyrir sig. Og ég veit hvar þið búið í dag – ekki gleyma því!
Gerum Öldutúnsskóla frábæran á ný! Kjósum Dórann í embætti umsjónarmanns K bekkjarins fyrir fjögur árin 1962-66!