Krosseyri ehf. kaupir í dag útgáfu hins sjötíu ára gamla tímarits Heima er bezt. Krosseyri á og rekur Miðjuna. Sigurjón Magnús Egilsson er eini eigandi Krosseyrar. Hann verður ritstjóri beggja miðlanna, það er Miðjunnar og Heima er bezt.
Heima er bezt er selt í áskrift. Tímaritið er fyrst og síðast þjóðlegt. Þar er þjóðlegur fróðleikur í öndvegi. Alls kemur Heima er bezt út tólf sinnum á ári. Í hverjum mánuði.
Örlítið rof hefur orðið í útgáfunni. Næsta tölublað er í vinnslu sem gengur vel. Sökum þess að tafir hafa orðið verður næsta blað nokkru stærra en vaninn er. Enn um sinn er stuðst við heimasíðu fyrrum útgefanda og þar er hægt að panta áskriftir. Eins er hægt að senda póst á sme@sme.is. Eins eru hugmyndir um efni og viðtöl vel þegnar. Meira síðar.
