Stjórnmál „Ef það er svo, að það ekki stemmning fyrir Bjartri framtíð, þá er það bara þannig. Við erum allt fólk sem var gera eitthvað og förum þá bara aftur að gera eitthvað. Ég fór ekki í stjórnmál til að vera þar í áratugi,“ sagði Brynhildur Pétursdóttir, þingflokksformaður Bjartar framtíðar í ágætu viðtali við Björn Þorláksson á Hringbraut, sjá hér.
Þau töluðu um slaka stöðu Bjartar framtíðar í skoðanakönnunum og sterka stöðu Pírata. Birgitta Jónsdóttir var einnig gestur Björns í þættinum.
„Við verðum að líta þannig á, að við séum ekki að standa okkur. Við sjáum Pírata koma fram, ná upp miklu fylgi og standa sig og gera góða hluti. Ég lít þannig á, að við gerum okkar besta til að koma okkar afstöðu til skila og vera sá miðjuflokkur sem við erum, hófstillt með mjög eindregna afstöðu í mörgum málum. Við höfum talað flokka harðast gegn skuldaniðurfellingunni, sem mér finnst glórulaus vitleysa, og við vorum eini flokkurinn á rauða takkanum þegar kom að þeim fjárlagalið í atkvæðagreiðslunni. Við erum fylgjandi Evrópusambandsaðild, viljum skipta um gjaldmiðil. Mér finnst við hafa skýrar skoðanir í mörgum málum. Greinilega skilar það sér ekki,“ sagðui Brynnhildur Pétursdóttir.
