Heimildirnar eru síðan notaðar til þess að halda byggðalögum í öndunarvélum.
Sigurjón Þórðarson skrifar:
Í þessu viðtali á Útvarpi Sögu, kom fram að Bjarni Ben fjármálaráðherrra er samstíga Kristjáni Þór Júlíussyni í að stíga á strandveiðar. Hann sá alla meinbugi á því að hægt væri að auka frelsi til handfæraveiða vegna þess að það gæti mögulega komið niður á stórútgerðinni m.a. Samherja. Hann sá alla meinbugi á því að hægt væri að auka frelsi vegna þess að það gæti mögulega komið niður á fyrrgreindum skjólstæðingum flokksins. Ekki var einu sinni opnað á að gera úttekt á ráðgjöf Hafró, sem vel að merkja hefur aldrei gengið upp.
Þetta dekur Sjálfstæðisflokksins við nokkur stórfyrirtæki er komin út fyri öll mörk. Umrædd fyrirtæki þurfa ekki að fara að ákvæðum um kvótaþak. Þau fá sjáfkrafa úthlutað hundruðum tonna af almennum byggðakvótum þrátt fyrir að þau séu í sömu andrá að kaupa upp veiðiheimildir í viðkvæmum byggðum og leggja niður alla starfsemi þar, m.a. í Grímsey og Skagaströnd.
Byggðastofnun bætir svo gráu ofan á svart með því að færa umdræddum fyrirtækjum þúsundir tonn af veiðiheimildum. Heimildirnar eru síðan notaðar til þess að halda byggðalögum í öndunarvélum, án þess að raunveruleg uppbygging eða byggðafesta skapistStórútgerðin fær í þokkbót að endurvigta eigin afla inn í eigin vinnslur með afar hagstæðu móti og gera upp við sína sjómenn á verði sem er langt undir markaðsvirði.
Ekki virðist þetta duga til heldur hefur Brynjar Níelsson þingmaður Sjálfstæðisflokksins gerst sérstakur talsmaður ógæfumannanna í Samherja.
