Íslenskur þingmaður gælir við að Evrópa sameinist gegn kínverskum álverum

Þingmaðurinn, Njáll Trausti Friðbertsson, er sennilega þeirrar skoðunar að Evrópu beri að sameinast gegn kínversku áli. „Árið 2019 voru tæp­lega 1.500 manns sem störfuðu í ál­ver­um. Þá voru stöðugildi verk­taka inn­an ál­vera 435 og starfs­menn í stóriðju­skóla 105,“ skrifar Njáll Trausti í Moggann í dag.

„Fram­leiðsla á áli á þó und­ir högg að sækja um þess­ar mund­ir og ís­lensk­ur áliðnaður hef­ur sjald­an staðið frammi fyr­ir jafn krefj­andi markaðsaðstæðum. Má það rekja m.a. til kór­ónu­veirufar­ald­urs­ins sem end­ur­spegl­ast í minnk­andi eft­ir­spurn og upp­söfn­un mik­illa birgða. Það er auðvitað ljóst að Ísland verður af mikl­um gjald­eyris­tekj­um þegar PCC hef­ur tíma­bundið hætt starf­semi og stóriðju­fyr­ir­tæki eins og ISAL starfar ekki á full­um af­köst­um. Verk­efnið sem við stönd­um frammi fyr­ir hlýt­ur þar af leiðandi að fel­ast í því að treysta sam­keppn­is­stöðu ís­lensks áliðnaðar,“ skrifar Njáll Trausti.

„Ég vil því taka und­ir orð fjár­málaráðherra, Bjarna Bene­dikts­son­ar, um að það er orðið löngu tíma­bært að fara fram á það í þeirri Evr­ópu­sam­vinnu sem Ísland er þátt­tak­andi í að staðinn verði vörður um iðnaðar­vöru inn­an Evr­ópska efna­hags­svæðis­ins, sem aug­ljós­lega fer fram með mun um­hverf­i­s­vænni hætti en sú fram­leiðsla sem seld er inn á svæðið. Okk­ar verk­efni er að tryggja orku­sækn­um iðnaði hér á landi sjálf­bær­ar rekstr­ar­for­send­ur. Ég mun því á nýju lög­gjaf­arþingi þegar það kem­ur sam­an 1. októ­ber nk. leggja fram skýrslu­beiðni til ut­an­rík­is­ráðherra þar sem óskað verður um­fjöll­un­ar um stöðu ís­lenskr­ar álfram­leiðslu á Íslandi gagn­vart EES-samn­ingn­um, auk um­fjöll­un­ar um fram­leiðslu og sölu á um­hverf­i­s­vænni iðnaðar­vör­um inn­an evr­ópska efna­hags­svæðis­ins,“ skrifar þingmaðurinn og boðar, ef rétt er skilið, vilja til viðskiptastríðs við Kínverja.

„Inn­flutn­ing­ur­inn á Evr­ópu­markað frá lönd­um utan markaðar­ins er toll­skyld­ur upp að 4-7% en sök­um aðild­ar Íslands að EES-svæðinu er Ísland fyr­ir inn­an tollamúr­ana. Á síðasta ári var árs­fram­leiðslan í heim­in­um rétt yfir 70 millj­ón­ir tonna. Yfir helm­ing­ur allr­ar álfram­leiðslu í heim­in­um í dag fer fram í Kína. Kín­verj­ar fram­leiddu rétt rúm­lega 35 millj­ón­ir tonna árið 2019 eða um 50% heims­fram­leiðslunn­ar,“ segir einnig í grein Njáls Trausta Friðbertssonar.