Kosningaloforð Viðreisnar var að selja malbikunarstöðina.
„Er verið að nota útsvar Reykvíkinga til uppbyggingar nýrrar stöðvar og selja síðan til vildarvina? Er verið að nota Reykjavíkurborg sem millistykki í viðskiptum þar sem áhættan er Reykjavíkur og ágóðinn kaupandans? Ekki einasta að Malbikunarstöðin Höfði sé í samkeppni með malbik, þá er stöðin líka að sinna vetrarþjónustu, svo sem snjómokstri og söltu, í samkeppni við einkaaðila.“
Hér var Vigdís Hauksdóttir að bóka á fundi borgarráðs.
„Á fundi innkaupa- og framkvæmdaráðs 20. ágúst var ákveðið að taka tilboði „lægstbjóðenda, Malbikunarstöðvarinnar Höfða“ í vetrarþjónustu gatna í Reykjavík 2020-2021,“ segir Vigdís.
Þar að auki framleiðir stöðin gallað og hættulegt malbik.
„Samkeppnisaðilar Malbikunarstöðvarinnar Höfða hf. kvarta mjög yfir að Reykjavíkurborg í gegnum Malbikunarstöðina Höfða stundi undirboð og hirði bestu verkin í útboðum. Malbikunarstöðin Höfði er í raun bæði heildsali og smásali. Heildsali þegar kemur að útboðum sem malbikunarstöðin sjálf fær í útboðum og smásali til aðila sem eru í samkeppni við borgarfyrirtækið. Þetta er vonlaus staða og á ekkert skylt við samkeppni. Það er galið að Reykjavíkurborg skuli reka malbikunarstöð og á að leggja hana tafarlaust niður enda orðin úrelt og er rekin á undanþágu. Þar að auki framleiðir stöðin gallað og hættulegt malbik/efni eins og dæmin sanna. Hvers vegna er Reykjavíkurborg að byggja upp nýja stöð á Esjumelum fyrir milljarða? Kosningaloforð Viðreisnar var að selja malbikunarstöðina.“
