…útskýrt fyrir Katrínu að Viðreisn er ekki hægra megin við Sjálfstæðisflokkinn…
Guðmundur Andri Thorsson skrifaði:
…hvað þá heiðurspírata…
Ný Gallup-könnun. VG niður um 3% en Píratar upp um 3%. Hvort tveggja skil ég vel. Aldrei færi ég að kalla mig Pírata af neinu tagi – ekki laumupírata og hvað þá heiðurspírata – en ég hef séð þá ómældu kosti sem þingmenn flokksins eru búnir, öll sem eitt, dugleg og samviskusöm, hugsjónarík og hvöss þó að ég deili ekki alveg öllu í sýn þeirra. Og ég skil að kjósendur snúi baki við VG vegna þess mikla samlætis sem ríkir milli þess flokks og Sjallanna; Katrín lét á sér skilja í Moggaviðtali að flokkur hennar eigi meiri samleið með Sjálfstæðisflokki en Samfylkingu (sem sé svo hægrisinnuð vegna samkrulls við Viðreisn eða eitthvað), sem ég vona nú að sé tímabundin villa. Nema hvað: við í Samfó stöndum í stað við 15 prósentin. Ég er ekki jafn hrifinn af „stöðugleikanum“ og Katrín og vil sjá flokkinn minn með meira fylgi, þó að þetta sé nokkuð yfir fylginu okkar í síðustu þingkosningum, og við næst-stærst. Eitt grundvallaratriði bið ég fólk að hafa í huga: Sterk Samfylking er algjör forsenda fyrir því að það takist að leiða saman ólíka flokka á vinstri kantinum. Við heitum nú einu sinni „Samfylking“ og erum alltaf að hugsa um það sem sameinar okkur vinstri menn frekar en hitt sem sundrar. Málið er þetta: Hvernig myndum við framsækna umbótastjórn jafnaðarmanna eftir næstu kosningar? Sterk Samfylking gegnir þar lykilhlutverki, eini flokkurinn sem getur leitt saman til dæmis Pírata og VG já og útskýrt fyrir Katrínu að Viðreisn er ekki hægra megin við Sjálfstæðisflokkinn …