Davíð gerir lítið úr gerð fjárlaga og deilir á Jóhönnu og RÚV / allt í einum pakka

„Stund­um er að því vikið þegar horft er til kosn­inga að hausti að þá verði þrengra um fjár­laga­gerð. Þetta er þó aðallega fyr­ir­slátt­ur,“ skrifar Davíð Oddsson, sem er reyndastur allra núlifandi af starfi í ríkisstjórn, gefur þar með þeim sem býsnast yfir að erfitt verði að koma fjárlögum saman eftir haustkosningarnar á næsta ári, fingurinn.

Davíð heldur áfram: „Eðli máls­ins sam­kvæmt er lang­stærsti þátt­ur fjár­laga­gerðar beinn eða óbeinn fram­reikn­ing­ur og und­ir­bún­ing­ur stend­ur lengi óháð kosn­ing­um eða stjórn­málaþróun. Þótt heitið geti að fjár­lög­in séu opin og stór­brotið stjórn­mála­legt verk­efni er lang­stærsti hluti þeirra bund­inn. Breyt­ing­ar eru því óveru­leg­ar og þurfa stjórn­ir helst að sitja fleiri en eitt kjör­tíma­bil svo að vel marki fyr­ir.“

Nú fellur á fjármálaráðherrann og fjárlaganefndina. Davíð fellir starf þeirra. Segir það lítið og varla svo orð sé á gerandi. Allt meira og minna forunnið. Þó ekki alveg. Enn er það Jóhanna og hennar ríkisstjórn. Já, og Ríkisútvarpið. Lesum:

„Þegar ný rík­is­stjórn sest að völd­um get­ur hún á skömm­um tíma sett tákn­rænt mark á fjár­lög­in en reynd­in er sú að þakka má fyr­ir ef ein­beitt rík­is­stjórn nær fram sögu­leg­um breyt­ing­um á einu kjör­tíma­bili. Vinstri­stjórn Jó­hönnu náði vissu­lega að vinna skaðræði á skatt­kerf­inu á sinni tíð en þá var stjórn­ar­andstaðan óvirk og lömuð vegna þeirra at­b­urða sem orðið höfðu og ástands sem búið var að æsa til með sögu­leg­um at­beina Rík­is­út­varps­ins og fjöl­miðla þeirra sem voru höfuðpaur­arn­ir í hinum ís­lenska þætti áfalls­ins.“

Þar sjáum við það. Vinstri stjórn, sem var svo engin vinstri stjórn, og RÚV unnu saman skaðræði á systeminu.

Niðurstaða Davíðs: „Tal um fjár­laga­gerð í til­efni vænt­an­legra haust­kosn­inga er því mark­laust þegar horft er til kosn­inga að hausti.“