Af hverju er Áslaug Arna Sigurbjörnsdóttir dómsmálaráðherra? Svarið er einfalt. Sjálfstæðisflokkurinn hefur valið sitt fremsta fólk í þau embætti sem flokkurinn ræður yfir. Ekki er minnsti vafi á að Áslaug Arna er meðal fimm hæfustu þingmanna Sjálfstæðisflokksins. Hér er alls ekki verið að taka undir hennar pólitík. Aðeins að benda á að fyrir Sjálfstæðisflokkinn er staða sú að Áslaug Arna verðskuldar ráðherraembætti.
Það er ljótur leikur og óþolandi að geta ekki fjallað um Áslaugu Örnu af sanngirni bara vegna þess að hún er ung kona. Slíkt er ósanngjarnt. Hefur það fólk sem það gerir hugleitt hvaða fólk annað flokkurinn hefur. Hér listi yfir þingmenn flokksins.
Nöfn ráðherra eru með feitara letri:
- Áslaug Arna Sigurbjörnsdóttir
- Ásmundur Friðriksson
- Birgir Ármannsson
- Bjarni Benediktsson
- Bryndís Haraldsdóttir
- Brynjar Níelsson
- Guðlaugur Þór Þórðarson
- Haraldur Benediktsson
- Jón Gunnarsson
- Kristján Þór Júlíusson
- Njáll Trausti Friðbertsson
- Óli Björn Kárason
- Páll Magnússon
- Sigríður Á. Andersen
- Vilhjálmur Árnason
- Þórdís Kolbrún R. Gylfadóttir
Ef breyting verður gerð á ráðherraskipan flokksins, er þá ekki einsýnt að einhverjir ráðherrar aðrir víki á undan Áslaugu Örnu?
