Kolbeinn Óttarsson Proppé birti þetta í morgunsárið:
Í dag og nótt komst ég að því, mér til nokkurrar undrunar, að Miðflokkurinn er á móti samgönguframkvæmdum. Það urðu mér nokkur tíðindi, enda hélt ég að sá flokkur gæfi sig út fyrir að vera framkvæmdaflokkur. En nei, klukkutímum saman hélt Miðflokkurinn þinginu uppteknu í málþófi um samgönguáætlanir. Hver fimm mínútna ræðan á fætur annarri, hver annarri verri, allt til að koma í veg fyrir að fólk um allt land fengi sínar samgöngubætur. Öðruvísi mér áður brá. Það er sem sagt þannig að Miðflokknum er alveg sama hvaða mál er undir, bara að hann fái sitt málþóf. Fundi slitið 3.20.
