Alþingi Harðar umræður urðu um fundarstjórn forseta við upphaf þingfundar í dag. Hér er stutt sýnishorn af umræðunni:
Helgi Hjörvar: Best að fresta þinginu, ríkisstjórnin veit ekki hvaða mál hún hyggst leggja fram.
Svandís Svavarsdóttir: Forsætisráðherra gefur út að þingið starfi fram í júlí. Hún spyr forseta hvort hann hafi fundað um þetta með forsætisráðherra.
Einar K. Guðfinsson: Ekkert ákveðið um þinghald í sumar.
Birgitta Jónsdóttir: Það á að vera sumarþing, en það hafa engin mál komið inn á þingið.
Guðmundur Steingrímsson: Hvet forseta til að leggja höfuðið í bleyti og falla frá að ræða um Rammann enn og aftur.
Guðmundur Steingrímsson: Hvaða mál eru væntanleg. Ekkert verið rætt um hvað er aðkallandi og hvað ekki.
Helgi Hrafn Gunnarsson: Ég legg til að við högum fundarstjórninni þannig að það verði sátt um hana. Það er ótækt að ár eftir ár sé karpað um dagskrána.
Katrín Júlíusdóttir: Ég trúi varla að við séum að hefja enn eina vikuna á þessu máli. Ríkisstjórnin er ekki með nein svör vegna kjaradeilnanna. Ég held að það þurfi að gera hlé á þingstörfum.
Unnur Brá Konráðsdóttir: Það er nóg að gera, um þrjátíu þingmál bíða umræðu.
Jón Gunnarsson: Það stendur til að ljúka umræðu um Rammaáætlun.
