Því væri Landsvirkjun að brjóta gegn raforkukaupasamningnum með viðskiptum með upprunavottorð.
Marinó G. Njálsson skrifaði:
Ég hef nokkrum sinnum varað við því að ekki gengi að selja upprunavottorð vegna raforku framleidda með vatnsafli í skiptum fyrir upprunavottorð vegna raforku framleidda með kjarnorku eða kolum, en samt halda því fram að raforka afhent á Íslandi væri hrein orka. Nú kemur í ljós að lögfræðingar Rio Tinto eru sammála mér. Fyrirtækið hefði gert samninga um rafmagn framleitt með vatnsafli en ekki kjarnorku eða kolum og því væri Landsvirkjun að brjóta gegn raforkukaupasamningnum með viðskiptum með upprunavottorð.
Ýmsir hafa haldið því fram að upprunavottorð hafi ekkert með rafmagnið sem afhent er á Íslandi að gera. Þetta séu tvö aðskilin kerfi. Ég hef aldrei getað skilið þau rök, því menn geti ekki bæði átt kökuna og þessu tilfelli selt hana. Greinilegt er að lögfræðingar RT skilja rökin ekki heldur og hætt er á að Landsvirkjun hafi fórnað meiri hagsmunum fyrir minni.
Greinin er fengin af Facebooksíðu Marinós.