Mun Íslandsbanki bjóða fram í næstu þing­kosn­ing­um?

Spurning Davíðs vaknar eftir að hann las skrif Andrésar Magnússonar í Viðskiptablaðinu.

„Eða hvar ætl­ar bank­inn að draga mörk­in? Ætlar hann að bjóða fram í næstu þing­kosn­ing­um?“

„Það er enginn annar en Davíð Oddsson sem er á þessum nótum og birtir skrif sín í Staksteinum dagsins.

Spurning Davíðs vaknar eftir að hann las skrif Andrésar Magnússonar í Viðskiptablaðinu.

„Andrés Magnús­son, blaðamaður og fjöl­miðlarýn­ir Viðskipta­blaðsins, sagði frá því í nýj­um pistli sín­um að það hafi gerst á dög­un­um að Íslands­banki hafi hafið eft­ir­grennsl­an um kynja­hlut­föll á hverj­um fjöl­miðli. Þetta hefði komið í fram­haldi af fyr­ir­ætl­un­um Íslands­banka „að hætta að eiga viðskipti við fjöl­miðla, þar sem hlut­föll kynja á rit­stjórn eru ekki nokkuð jöfn“.

„Þá spyr hann hvernig Íslands­banki vilji að fjöl­miðlarn­ir bregðist við. Hann bend­ir á að rekst­ur­inn sé þröng­ur þannig að ósenni­legt sé að þeir fjölgi stöðugild­um til að jafna hall­ann og spyr hvort að bank­inn ætl­ist til að karl­mönn­um verði sagt upp til að þókn­ast bank­an­um.

Hann bend­ir líka á að kynja­hlut­föll á rit­stjórn­um séu nán­ast ná­kvæm­lega þau sömu og hlut­föll starf­andi í fullu starfi á vinnu­markaðnum í heild sinni og velt­ir því upp hvort „bank­inn krefji fjöl­miðla um starfs­manna­stefnu, sem þeim kann að vera ómögu­legt að upp­fylla?“

Þetta eru ábend­ing­ar sem skipta máli. Enn þýðing­ar­meira í þessu sam­bandi er þó að það er hvorki eðli­legt né æski­legt að banki beiti fjár­hags­leg­um styrk sín­um til að þvinga fram skoðanir sín­ar, hvorki í jafn­rétt­is­mál­um né öðrum.“