Í gær kom út hagtölubók Hagstofu Íslands, Landshagir, en ritið er yfirlit tölulegra upplýsinga um flesta þætti samfélagsins.
Þar má m.a sjá að á síðasta ári:
- Íbúum landsins fjölgar um 1,2%
- Hlutfall kvenna aldrei hærra í sveitarstjórnarkosningum
- Dregur úr atvinnuleysi á milli ára
- Regluleg laun fullvinnandi voru 436 þúsund krónur á mánuði
- Karlar sem búa einir eru verr staddir fjárhagslega en konur sem búa einar
- Heildarútgjöld til heilbrigðismála eru 9% af landsframleiðslu
- Viðtakendum greiðslna vegna fæðingarorlofs fækkaði á milli ára
- 98% landsmanna teljast til netnotenda
- Verðbólga var 3,9% á árinu 2013
- 3,5% hagvöxtur árið 2013
- Mannfjöldi í heiminum er rúmir 7 milljarðar
Bókin er til sölu í afgreiðslu Hagstofu Íslands að Borgartúni 21a og kostar einungis 3.500 krónur. Þá má panta ritið á vefnum, en einnig má nálgast efni Landshaga endurgjaldslaust á vef Hagstofu Íslands.
Þú gætir haft áhuga á þessum
