Getur ráðherra upp á sitt einsdæmi lagt þessa ríkisstofnun niður?
Jón Örn Marinósson skrifar:
Ráðherra hefur tilkynnt að hann ætli að leggja tiltekna ríkisstofnun niður. Þessi ríkisstofnun var sett á stofn með lögum frá Alþingi, nr. 75/2007. Getur ráðherra upp á sitt einsdæmi lagt þessa ríkisstofnun niður? Þarf hann ekki til þess samþykki Alþingis? Eða er Alþingi orðinn svo máttvana botnlangi í stjórnkerfi framkvæmdavaldsins að ráðherra lítur á það einungis sem formlegan málamyndagjörning að bera það undir þjóðkjörna fulltrúa á löggjafarþinginu hvort eigi að leggja ríkisstofnun niður eða ekki?