„Nú er fokið í flest skjól. Forsætisráðherra staðfestir að rætt hafi verið um væntanlegt söluferli á hlut í Íslandsbanka. 82% þjóðarinnar er á móti, samt þumbast þetta lið við og hundsar þjóðina. Ekki dettur þeim í að spyrja þjóðina í þjóðaratkvæðagreiðslu,“ segir Guðmundur Franklín Jónsson.
„Engin lög eru komin um einokun, fákeppni, hringamyndanir, dreifingu bréfa, hámark hlutabréfaeignar eða aðra öryggisventla. Nú þegar Seðlabankinn er að lækka vexti er einmitt gott fyrir ríkið að eiga bankana, þvi þá geta þeir fyrirskipað sínum bönkum að lækka vexti í takt.
Þetta er spilling og algerlega óskiljanleg ráðstöfun, en nú á víst að fara að moka bestu bitunum í vini og vandamenn. Af hverju mega bankarnir ekki vera í eign þjóðarinnar og sinna þörfum hennar, bankarnir eru að skila tugum milljarða í þjóðarbúið,“ skrifar Guðmundur.
