Gunnar Smári skrifar:
Eitt af því sem Hrunið kenndi okkur er að meginstraumshagfræðin hefur engin svör, getur hvorki greint ástandið af nokkru viti né spáð fyrir um þróun mála. Þegar farið var eftir ráðum hagfræðinnar árin og áratugina fyrir Hrun jókst vandinn, skaðinn varð meiri. Meginstraumshagfræðin var ekki með lausnirnar vegna þess að hún var hluti vandans; kirkja og kennisetningar smíðaðar í kringum kröfur auðvaldsins um alræðisvald. Við skulum því hætta þessum látalátum, viðurkenna að keisarinn er nakinn. Bein útsending úr musterinu? Eruð þið að grínast? Og það á virkum degi? Ætti þetta ekki að vera á messutíma á sunnudögum? Af hverju er meginstraumshagfræðin ekki fjármögnuð af sóknargjöldum eins og önnur trúarbrögð?
