Jón Bjarni Steinsson, hjá Secret Solstice, er fjarri sáttur við orð Vigdísar Hauksdóttur borgarfulltrúa um tónleikahaldarana. Eins og Miðjan hefur greint frá bókaði Vigdísi í borgarráði og sagði:
„Fullyrt er að félögin stundi skattasniðgöngu og ýmis önnur lögbrot. Samt ætlar Reykjavík að leggja nýjar átta milljónir inn í hátíðina 2020. Reykjavíkurborg þarf að endurskoða reglur sínar á þann hátt að ekki verði veittir styrkir til aðila sem standa í málaferlum, stundi skattasniðgöngu eða skuldi þriðja aðila.“
„Það er enginn fótur fyrir þessum ásökunum, félagið sem rekur hátíðina er skuldlaust og það er ekkert óeðlilegt við það að svona hátíð sé rekin af móðurfélagi sem lætur tvö dótturfélög sjá um annars vegar framleiðslu og hins vegar miðasölu. Það að kjörinn fulltrúi láti svona út úr sér er grafalvarlegt mál og við munum leita réttar okkar,“ segir Jón Bjarni.
