Svandís Svavarsdóttir heilbrigðisráðherra skrifar:
„Í tíð ríkisstjórnar Katrínar Jakobsdóttur hafa framlög til reksturs á Landspítalanum verið aukin ár frá ári. Samtals hafa þau verið aukin um 12 prósent á föstu verðlagi og er aukningin á þessu ári er 4,8%.
Allt tal um niðurskurð fjárframlaga til Landspítalans er því í besta falli misskilningur. Engin niðurskurðarkrafa hefur verið gerð á Landspítala af minni hálfu á kjörtímabilinu. Landspítalinn hefur þó þurft að bregðast við hallarekstri til þess að hagræða eftir að rekstur spítalans fór verulega fram úr þeim stórauknu heimildum sem stofnunin hefur fengið undanfarin ár á fjárlögum.
Ríkisstjórnin hefur lagt mikla áherslu á að styrkja heilbrigðiskerfið okkar með auknum fjárframlögum til rekstrar á kjörtímabilinu og einnig til uppbyggingar, til dæmis nýs Landspítala og fjölgun hjúkrunarrýma. Einnig hefur kostnaður við ýmsa heilbrigðisþjónustu fyrir börn, aldraða og öryrkja verið lækkaður. Minni greiðsluþátttaka sjúklinga er mikilvægt kjaramál og snýst um að bæta aðgengi að þjónustunni og auka jöfnuð.
Þá skiptir einnig miklu máli að í nýrri heilbrigðisstefnu hefur verið lögð mikil áhersla á eflingu heilsugæslunnar. Fjárframlög til þjónustunnar nemur 19.5% á kjörtímabilinu auk þess sem hlutverk og staða heilsugæslunnar í þjónustunni um allt land hefur verið styrkt og skilgreind enn betur en áður var.
Heilbrigðisstefna og aukið fjármagn er það sem þarf til þess að tryggja að heilbrigðisþjónustan okkar verði í fremstu röð. Að því er unnið á hverjum degi.“