Rósa Björk Brynjólfsdóttir, Vinstri grænum, skrifar á Facebook:
Nýtt ár sem byrjar með gagnkvæmum
árásum og hótunum milli Bandaríkjanna og Írans veldur ugg og óvissu um
afleiðingar stórkarlalegra upphrópana. Þetta er ekki einfaldur leikur karla sem
fela sig á bakvið Twitter, heldur snýst um líf venjulegs fólks sem verður
alltaf mest fyrir barðinu á öllu stríðsbrölti. Ísland verður að taka
afdráttarlausa afstöðu gegn hótunum um stríð og hernaðarárásum á svæðinu, svæði
þar sem viðkvæmt stjórnmalaástand getur breyst í púðurtunnu á skömmum tíma með tilheyrandi afleiðingum eins og við vitum. Líka á utanríkisstefnu
Íslands eins og við þekkjum af biturri reynslu. Og alveg sérstaklega þegar
æðsti valdamaður Bandaríkjanna er jafn óáreiðanlegur, hvatvís og ótraustur og
raunin er núna.
Ég hef kallað eftir því að utanríkisráðherra komi
sem fyrst á fund utanríkismálanefndar þingsins til að ræða ástandið milli Íran
og BNA, áhrif gagnkvæmra árása á svæðið, hvaða stefnu og sýn íslensk stjórnvöld
hafa á málið, mögulega framvindu og þá áhrif.
Hvort ráðherra hafi verið í samskiptum við
bandarísk stjórnvöld eða önnur stjórnvöld vegna árásarinnar á Suleimani, og þá
hver þau samskipti hafa verið.