Katrín Jakobsdóttir, forsætisráðherra Íslands, hefur af einurð og staðfestu afstýrt þjóðarvá. Ósanngjarnar kröfur hafa verið gerðar en staðfesta forsætisráðherra hefur bægt þeim frá.
Óstýrilátir Íslendingar hafa krafist þess að Kristján Þór Júlíusson víki úr embætti sjávarútvegsráðherra. Forsætisráðherrann gerir sér grein fyrir hverjir eru hagsmunir þjóðarinnar. Spurt er, hvað yrðum um þjóðina, hver yrði hennar framtíð ef Kristján Þór léti af embætti? Þetta er áleitnar spurningar. Leiðtogi okkar hefur tekið af allan vafa. Fólk getur andað hægar. Kristján Þór fer hvergi.
Óttast var að lausung og annar óárann myndu skella á þjóðinni. Svo verður ekki. Þökk sé staðfestu leiðtogans í forsætisráðuneytinu.
Fátt, jafnvel ekkert, heldur betur en samtrygging stjórnmálafólks. Það sannast nú, þjóðinni til heilla. Kristján Þór situr áfram.
Það er varla hægt að hugsa til enda hvað yrði um þjóðina ef hann léti undan óbilgjörnum kröfum og segði af sér.
Mál er að linni. Gagnrýnin er gagnslaus. Stöndum saman og það þétt að baki ráðherrunum. Köllum ekki yfir þjóðarvá.
-sme
