-Einn af þingmönnum Sjálfstæðisflokksins hefur fengið merkan sess innan Moggans. Eða í huga ritstjórans. Þingmaðurinn er Njáll Trausti Friðbertsson flugumferðarstjóri frá Akureyri. Hann fær forsíðuuppslátt um það allra sjálfsagðara af öllu sjálfsögðu.
Mogginn sér ástæðu til að slá upp sem forsíðufrétt þar sem Njáll Trausti segir að styrkja þurfi raforkukerfið. En ekki hvað? Þetta er svo sjálfsagt að hvaða Íslendingur sem er hefði getað sagt þetta. Einhver ástæða er að baki. Mogginn vill gera vel við Njál Trausta. Reynir að eigna honum það augljósa. Verra er þegar Moggann er flett áfram og komið er að leiðarasíðunni. Þar sést að Davíð hefur skrifað fyrirsögnina: Ástarbréf? Fljótt á litið mátti halda að verið væri að gera upp eitt það allra vafasamasta frá tíma Davíðs sem allsráðandi í Seðlabankanum. Nei, svo var ekki. Ekki enn hið minnsta.
