Hinn geðþekki útvarps- og tónlistarmaður Magnús R. Einarsson skrifar pistil á Facebook og spyr brennandi spurningar:
„Hvað réttlætir þennan samning? Maðurinn verður hálaunamaður í tvö ár eftir að hann hættir! Ég vann hjá ríkisstofnun í hartnær 35 ár og fékk ekki einn dag á launum eftir að ég hætti og sjálfsagt er það svo með langflesta. Maðurinn hótaði bara fyrir nokkrum vikum að ljóstra upp um leyndarmál ef hann yrði rekinn. Stóra spurningin er þessi; er verið að múta honum með þessum risastarfslokasamningi svo hann leysi ekki frá skjóðunni? Hvað er það sem hann veit og notaði til að ná svona hagstæðum samningi? Hvað?“