Bjarni er ekki bara lyginn heldur mjög ómerkilegur eins ég sagði hér í upphafi.
Katrín Baldursdóttir skrifar:
Bjarni Benediktsson fjármálaráðherra er bæði lyginn og ómerkilegur. Það er svakalega sorglegt að hann skuli hafa síðasta orðið um ákvarðanir Fjármálaeftirlitsins en hann skipar í stjórn þess eftir sínu höfuði. Hvað verður um Samherjamálið í þessu ljósi? Ekki líst mér á það. Þetta eru stór orð um Bjarna en nú skal ég rökstyðja þau. Bjarni hefur logið um allt milli himins og jarðar. Vafningsmálið er gott dæmi. Þar skrifaði hann undir veðskjöl sem voru forsenda þess að Glitnir gæti veitt 100 milljón evra lán til Milestone. Bjarni fullyrti að hann vissi ekkert hvað hann væri að skrifa undir og sagðist ekkert vita um þetta lán. Auðvita laug hann því. Glitnisgögnin sýna að Bjarni átti í samskiptum við Guðmund Ólason, forstjóra Milestone sama dag og lánið var greitt út til fyrirtækisins. Gögnin sýna líka að Bjarni tók ýmsar ákvarðanir og var í samskiptum við einkabankaþjónustu Glitins vegna Milestone og annarra lykilfélaga í Vafningsfléttunni.
Hann var ekkert að skafa af því, hann ætlaðist til þess að ég stöðvaði þennan fréttaflutning.
Bjarni fullyrti að hann hefði ekki reynt að hafa afskipti af fréttaflutningi af Vafningsmálinu. Enn lýgur hann. “Raunin er hins vegar sú að þegar DV hóf umfjöllun um Vafningsviðskiptin og aðkomu Bjarna Benediktssonar að þeim árið 2009, brást Bjarni við með því að hringja í eiganda blaðsins og reyna þannig að hafa áhrif á fréttaflutninginn. „Hann var ekkert að skafa af því, hann ætlaðist til þess að ég stöðvaði þennan fréttaflutning,“ sagði Hreinn Loftsson, aðaleigandi DV, þegar hann lýsti símtali Bjarna árið 2009. Sjálfur viðurkenndi Bjarni að hafa beitt sér gagnvart eigandanum en hafnaði því að hafa reynt að stöðva fréttaflutninginn,” segir í meðfylgjandi frétt Stundarinnar af málinu í október 2017. Í viðtali við RUV á svipuðum tíma fullyrti Bjarni að hann hefði aldrei reynt að stöðva fréttaflutning af málinu. Bjarni veit greinilega ekki hvenær hann lýgur og hvenær hann segir satt.
Þá þykist Bjarni voða saklaus þegar kemur að hinum umrædda Sjóði 9 en Bjarni og fjölskylda hans leystu út milljarða korteri fyrir hrun og töpuðu því engu af þeim peningum. Bjarni lýgur þarna eins og hann er langur til því Glitnisgögnin sýna að Bjarni átti í miklum og nánum samskiptum við stjórnendur Glitnis fyrir hrun og virðist hafa miðlað upplýsingum um vinnu Fjármálaeftirlitsins til millistjórnenda hjá bankanum. “Annað dæmi eru ummæli Bjarna fyrir tæpu ári um að hann hefði ekki átt „neitt sem máli skipti“ í peningamarkaðssjóðnum Sjóði 9 fyrir hrun. Raunin er sú að hann átti 165 milljónir króna í sjóðnum nokkrum mánuðum fyrir hrun og innleysti rúmlega 50 milljónir úr sjóðnum dagana 2. til 6. október 2008. “
En Bjarni er ekki bara lyginn heldur mjög ómerkilegur eins ég sagði hér í upphafi. Það er ómerkilegt og glæpsamlegt að nýta aðstöðu sína eins og Bjarni hefur gert til að gera sjálfum sér, fjölskyldu sinni, kvótagreifum og öðrum auðmönnum kleift að græða á tá og fingri með því að mergsjúga almenning og stela af honum auðlindunum. Það er sturlað Bjarni Benediktsson skuli vera fjármálaráðherra Íslands.