Skömmin er þessarar ríkisstjórnar Sjálfstæðisflokks, Vinstri grænna og Framsóknarflokks.
Skömmin er þessarar ríkisstjórnar Sjálfstæðisflokks, Vinstri grænna og Framsóknarflokks.
Guðmundur Ingi Kristinsson, þingmaður Flokks fólksins, talaði á Alþingi í gær, um framferði Samherja í Namibíu. Hann talaði einnig um Ísland, Íslendinga og Samherja:
„En hversu lágt er hægt að leggjast hér á landi? Birtist spillingin hérlendis í því að árið 2018 þurftu 16.000 heimili, með rúmlega 31.000 einstaklingum, að lifa undir lágtekjumörkum. Eða er það eðlilegt og sjálfsagt að um 15.000 einstaklingar búi við skort og 3.000 búi við grafalvarlegan skort á efnislegum gæðum? Þarna eru þúsundir barna sem búa við verulegan skort á efnislegum gæðum og búa við sára fátækt og það á sama tíma og þeir ríku verða æ ríkari. Nú á eftir verður lokið við atkvæðagreiðslu um fjárlagafrumvarpið. Þar er ríkum sægreifum hampað með lækkun á veiðigjöldum á kostnað þeirra sem búa við verulegan skort á efnislegum gæðum. Skömmin er þessarar ríkisstjórnar Sjálfstæðisflokks, Vinstri grænna og Framsóknarflokks,“ sagði þingmaðurinn ekki löngu áður en fjárlagafrumvarpið var samþykkt.
