Reynt að klóra í bakkann

„Eins og staðan er núna fækkar bara starfsmönnum, við erum að horfa upp á frekari uppsagnir, skólanum blæðir út og auðvitað stingur það í augu að horfa á sama tíma á önnur ráðuneyti lofa hér verulegum fjármunum í þá aðgerð að flytja út á land, störf háskólamenntaðra starfsmanna, á meðan þessi starfsemi virðist ætla að leysast upp,“ sagði Katrín Júlíusdóttir á Alþingi í gær um stöðu Landbúnaðarháskólann á Hvanneyri. Illugi Gunnarsson menntamálaráðherra sagði að í þröngri stöðu sé „…verið að tala um að reynt verði að klóra eitthvað í bakkann, þannig þó að starfsemin eigi að geta haldið áfram í núverandi mynd. Það er alveg augljóst að með því að gerð er þessi krafa sem var óumflýjanleg — og sérstaklega var fundið að því að það hefði ekki verið gert hér á undanförnum árum, og ekki bara í stjórnar- og ráðherratíð hv.fyrirspyrjanda heldur líka á árunum þar á undan, þ.e. að þetta mál hefur ekki verið leyst.“