„Flokkur fólksins leggur til að steypuklumpar við Kríuhóla 2 verði fjarlægðir. Flokkur fólksins telur mikilvægt að borgin fari í átaksvinnu til að auðvelda eigendum stórra vinnutækja sérstaklega þeim sem eru sjálfstætt starfandi að leggja tækjum sínum nálægt heimilum sínum.“
Það var Ásgerður Jóna Flosadóttir, Flokki fólksins, sem bókaði þetta á fundi Skipulags- og samgönguráðs.
„Flokkur fólksins hefur áður lagt til að bílastæðum fyrir stóra bíla verði fjölgað í úthverfum. Vörubifreiðastjóra spyrja hvar þeir geti lagt vinnutækjum og sums staðar er hvergi svæði til þess. Í Breiðholtinu er víða skipulagsleysi og er lokun plansins við Kríuhóla 2 dæmi um það. Vörubílstjórar þurfa nú sem búa í hverfinu að leggja í öðrum hverfum og ganga langar leiðir að atvinnutækjunum. Áheyrnarfulltrúi Flokks fólksins leggur m.a. til eftirfarandi lausnir til að bæta úr þessum vanda.
- 1. Flokkur fólksins telur heillavænlegast að fjarlægja steypuklumpana sem eru ekki prýði fyrir hverfið.
- 2. Flokkur fólksins telur skynsamlegast að borgin hafi samráð við íbúa í hverfinu um hvar sé best að stórum vinnutækjum sé lagt og að þeim stæðum verði fjölgað þar sem þurfa þykir.
- 3. Flokkur fólksins leggur áherslu á að reynt sé að koma til móts við eigendur stórra vinnuvéla- bifreiða í hverfinu og þá sérstaklega sjálfstætt starfandi vörubifreiðastjóra.“
