Stjórnmál Umboðsmaður skuldara var dekurverkefni síðustu ríkisstjórnar, rétt einsog endurgerð stjórnarskrár og aðildarumsókinni að Evrópusambandinu, sagði Vigdís Hauksdóttir, þingkona Framsóknarflokksins og formaður fjárlaganefndar Alþingis, í útvarpsþættinum Bítinu á Bylgjunni fyrir fáum mínútum.
Vigdís sagði verkefni Umboðsmanns skuldara hafi betur átt heima innan bankakerfisins en í sérstakri stofnun. Vigdís vitnaði til Lilju Mósesdóttur hagfræðings og fyrrverandi alþingismanns, sem samkvæmt fullyringum Vigdísar, reiknaði út að hvert mál sem leitar á borð Umboðsmanns skuldara kosti um fjórtán milljónir. Vigdís sagði að þeir peningar hefðu betur gagnast til lækkunar skulda fólks. Hún nefndi ekki hvað verkefnin hefðu kostað innan bankakerfisins.
