Sverfir til stáls í Sjálfstæðisflokki

Þing­menn Sjálf­stæðis­flokks­ins eru kok­hraust­ari.“

Dómur er fallinn. Þingmönnum Sjálfstæðisflokksins skal refsað. „Það er rétt að þeir viti af því, að þótt þeir hafi at­kvæðin í sín­um hönd­um á Alþingi eru það aðrir, sem hafa þau utan þess.“

Þetta má meðal annars lesa í opinberri yfirlýsingu sem birt er í Staksteinum dagsins. Ástæða þess er að þingmenn flokksins munu allir, nema kannski Ásmundur Friðriksson, greiða þriðja orkupakkanum atkvæði þegar þar að kemur.+

Þar er þessi greining á ólíkri stöðu stjórnarflokkanna þriggja:

„Þing­menn Fram­sókn­ar­flokks­ins þegja flest­ir enda gera þeir sér áreiðan­lega ljóst að þeir kunna að vera að rétta upp hend­ina með því að þurrka flokk sinn út.

Þing­menn VG virðast lifa í ein­hvers kon­ar tóma­rúmi, sem bend­ir til að þeir viti ekki leng­ur hverj­ir þeir eru eða hvaðan þeir koma.

Þing­menn Sjálf­stæðis­flokks­ins eru kok­hraust­ari.

En hátt­semi þeirra bend­ir til að þeir átti sig ekki á því að það kem­ur dag­ur eft­ir þenn­an dag. Þeir virðast a.m.k. ekki hafa nokk­urn áhuga á því að hljóta end­ur­nýjað umboð frá flokks­fé­lög­um og kjós­end­um.

Það er rétt að þeir viti af því, að þótt þeir hafi at­kvæðin í sín­um hönd­um á Alþingi eru það aðrir, sem hafa þau utan þess.“

Það er Styrmir Gunnarsson sem skrifar greininguna og Davíð Oddsson, sem er efa lítið höfundur Staksteina, gerir að sinni. Tekur hraustlega undir með Styrmi.

Þingmenn Miðflokksins eru trúlega ósáttum Sjálfstæðisflokksins að skapi. Hvað verður er nokkuð spennandi. Sú staða sem er uppi í Sjálfstæðisflokki er eflaust allt að því óþolandi.