„Það er ekki of seint að draga sig úr keppni og sýna palestínsku þjóðinni stuðning í verki!“
Sema Erla Serdar er lítt hrifin af þátttöku Íslands í Eurovision. Alla vega meðan ástandið er eins og það er. Hún skrifar:
„Það er sorglegt að hugsa til þess að fulltrúar íslensku þjóðarinnar láti vel um sig fara á sólarströnd og undirbúi sig undir að sýna listir sínar á meðan gestgjafinn myrðir saklausa borgara, þeirra á meðal þungaða konu og eins árs gamalt barn. Það er skammarlegt að Ísland, sem hefur viðurkennt sjálfstæði Palestínu, hafi sent fulltrúa í Eurovision sem tekur beinan þátt í hvítþvotti ísraelskra stjórnvalda og ímyndarherferð þeirra í gegnum keppnina á meðan saklaust fólk er myrt í 70 kílómetra fjarlægð. Það er ekki of seint að draga sig úr keppni og sýna palestínsku þjóðinni stuðning í verki!“
