Það er brýnna en bygging nýrra heimila.
Mosfellsbær hefur sagt upp samningi við ríkið um rekstur hjúkrunarheimilisins Hamra vegna vanefnda ríkisins á að standa í skilum vegna reksturs Hamra. Eftir þetta er rekstur Hamra í uppnámi og það sem einnig er mjög slæmt: Þetta getur sett áform um stækkun Hamra í uppnám. En ríkið hafði samþykkt verulega stækkun Hamra.
Ríkið, heilbrigðisráðherra, þarf að fara að laga rekstur hjúkrunarheimilanna, svo þau stöðvist ekki öll. Ekki er nóg að ráðherra skrifi greinar í blöðin eins og óbreyttur þingmaður um það þurfi að gera þetta og hitt. Hún þarf að muna að hún er ráðherra og á að koma hlutunum í verk. Brýnast er að bæta rekstrargrundvöll hjúkrunarheimilanna svo þau stöðvist ekki öll. Það er brýnna en bygging nýrra heimila. Um leið og búið er að laga rekstrargrundvöllinn er unnt að hefja byggingu nýrra heimila.
Það var Björgvin Guðmundsson, góðvinur Miðjunnar, sem skrifaði fréttina. Björvin býr á Hömrum.