Gunnar Smári er ekki sáttur við þátt Gísla Marteins og tök Sjálfstæðisflokksins á Ríkisútvarpinu.
Gengur það að umsjónarmaðurinn í þessum þætti sé Sjálfstæðisflokksmaður, annar stjórnandi Kastljós líka og annars stjórnandi Silfursins? Er hægt að fá einn umræðuþátt í Ríkisútvarpinu án þess að umræðan fari fram undir vökulum augum þessa hrörnandi flokks, sem nú orðið er lítið annað en blind hagsmunagæsla fyrir fyrir auðvaldið? Hvað skuldum við þessum flokki eiginlega mikið? Og svo situr útvarpsstjóri Sjálfstæðisflokksins og aðstoðarkona formanns flokksins í sófanum að tala um hvað þeim finnst Sólveig Anna eitthvað vitlaus og úr takti. Það er ekki hægt að ljúga þessu, þetta er svo klikkað.
Og eitt enn; hvað gengur ungu tónlistarfólki til í að taka þátt í þessum þætti, sem svo augljóslega er ætlað að selja almenningi að hér sé allt í besta lagi og öll gagnrýni á stjórnvöld og óréttlæti samfélagsins aðeins tuð eða reiðiköst? Hvers vegna er Gísli Marteinn ekki skilinn eftir með Gylfa Ægis, Sverri Stormsker og þá poppara sem eru innmúraðir í Sjálfstæðisflokkinn?
