Fjármálaráðherra gerir ekkert. Lætur frekar fólk þjást.
Sigurjón Magnús Egilsson skrifar:
„Nú þekki ég baráttu við illvígan sjúkdóm á eigin skinni, en það sem særir mig næst mest, fyrir utan sjúkdóminn, að þá skuli versti óvinurinn alltaf vera íslenska ríkið, og þá stjórnmálamenn, það er hræðilegt.“
Þetta er bein tilvitnun í skrif manns sem nú syrgir eiginkonu sína. Daglega eru sagðar fréttir af fólki sem mætir skeytingarleysi yfirvalda. Af fólki sem á bágt.
Dómur er fallinn. Fjármálaráðherra ber að greiða ljósmæðrum hýrudráttinn sem hann beitti þær. Í nafni ríkisstjórnar Katrínar þverskallast hann við. Í töpuðu máli.
Sama er að gerast vegna ólöglegrar búsetuskerðingar. Tryggingastofnun segir ekkert að vanbúnaði að leiðrétta ólöglegar skerðingar. Sama segir félagsmálaráðuneytið.
Fjármálaráðherra gerir ekkert. Lætur frekar fólk þjást.
