Jafnvel blaðamenn spinna spuna hinna auðugu.
Björn Þorláksson blaðamaður skrifar:
Mig langar að segja eitt um opinbera tjáningu okkar fína fólksins um kjarasamninga og verkföll fram undan. Mér sýnist sem við „umræðustjórnendur“ í þessu samfélagi séum langflest slegin þvílíkri forréttindablindu, að það hálfa væri nóg.
Sýnist sem við gerum okkur enga grein fyrir því hve gott við höfum það sem efri millistétt sennilega flest – af því að við þekkjum orðið ekki síðra líf. Við berum okkur saman við þá sem eru fyrir ofan okkur – leitum ekki lengur niður. Tengsl hafa rofnað. En kannski erum við ekki meðvituð um firringuna. Af því að hinir undirsettu hafa aldrei rödd nú orðið. Við heyrum aldrei í þeim.
Mig grunar að langflest höfum við aukið auð okkar og tækifæri í nánast línulegri dagskrá.
Og mig grunar að það gleymist hjá ansi mörgum okkar að þeir sem eru fastir í fátæktargildum komast hvorki lönd né strönd. Að sjá jafnvel blaðamenn spinna spuna hinna auðugu í von um að njóta velvildar aðalsins síðar er sorglegra en orð fá lýst.
Ég nenni ekki að hlusta þögull á þetta kjaftæði…
Fengið af Facebooksíðu Björns.