Tossarnir mega aldrei stjórna ferðinni.
Sigurjón M. Egilsson skrifar:
Ómögulegt er með öllu að andvana fyrirtæki ráði för þegar kemur að því að semja um kaup og kjör. Eflaust eru til fyrirtæki sem geta ekki staðið undir sanngjörnum kröfum um launahækkanir. Þau mega ekki koma í veg fyrir að samið verði. Allt of miklir hagsmunir eru undir. Tossarnir mega aldrei stjónra ferðinni.
Flest fyrirtæki fara létt með að hækka laun sinna starfsmanna. Það hefur ítrekað sést. Forstjórar og önnur „fyrirmenni“ hafa fengið drjúgar launahækkanir. Og sanngjarnar segja þeir sem samþykktu launahækkanirnar.
Sólveig Anna Jónsdóttir talar skýrt mál. Láglaunafólk sættist ekki lengur á að vera útsöluvara. Vinnuafl þessa fólks á að kosta meira en það hefur gert. Fullyrða má að langflest okkar eru sammála um að það sé algjört lágmark að fólk afli tekna fyrir nauðsynlegri framfærslu. Minna má það ekki vera.
Halldór Benjamín og hans fólk verða að hætta að miða við lægsta stig fyrirtækja verður að vera sett til hliðar. Geti þau ekki mætt sanngjörnum kröfum verða þau að víkja. Önnur fyrirtæki taka þá yfir starfsemina, sé hún einhvers virði.
Lausnin liggur á borðinu. Þið í Borgartúni 35. Hættið að styðjast við andvana eða dauðadæmd fyrirtækið. Finnið sanngjarnara viðmið og semjið. Ef enn vantar eitthvað í svigrúmið þá má skera af hæstu launum innan fyrirtækjanna og leggja það sem þannig fæst í púkkið.
Takmarka okkar allra á að vera það að allir geti lifað af laununum.
