„…þarna var um einfaldlega mannleg mistök að ræða.“
Almenna leigufélagið er tekið að bakka út úr hækkun á okurleigu sem það kynnt fólki með bréfi ekki fyrir löngu. Fólki var gert að sættast á hækkunina, með fjögurra daga fyrirvara, eða fara á götuna á ella.
Ragnar Þór Ingólfsson brást við. Sagðist taka rúma fjóra milljarða úr Kviku-banka, verði leiguhækkunin ekki dregin til baka.
María Björk Einarsdóttir, framkvæmdastjóri Almenna leigufélagsins, sagði í rúv í gær:
„Og þegar ég grennslaðist nánar fyrir um það þá kom í ljós að þarna var um einfaldlega mannleg mistök að ræða. Það hefur nú þegar verið haft samband við allavega einhverja viðskiptavini og þetta leiðrétt. Sá frestur hafi því enga þýðingu, fólk hafi í raun mun lengri tíma til þess að hugsa málið.“
Ragnar Þór og hans fólk í VR geta verið sátt með aðkomu sína að málinu. Orustan vannst. Stríðið heldur áfram.
