Það er því alrangt að fullyrða að ríkisstjórn Katrínar Jakobsdóttur spanni litróf samfélagsins.
Gunnar Smári skrifar:
Allt það sem Samtök atvinnulífsins, Verslunarráð, Samtök iðnaðarins og önnur hagsmunasamtök fyrirtækja- og fjármagnseigenda leggja áherslu verður um leið að leiðarljósi Sjálfstæðisflokksins. Flokkur er í reynd stjórnmálaarmur þessara samtaka, sem endurspegla fyrst og fremst hagsmuni stærstu fyrirtækjanna og ríkustu einstaklinganna.
Þingmenn og ráðherrar Sjálfstæðisflokksins telja það heilaga skyldu sína að reka hagsmuni þessara aðila, auðvaldsins, ofan í kok á þjóðinni. Fátt af því sem verkalýðshreyfingin leggur áherslu á, Öryrkjabandalagið, Leigjendasamtökin eða önnur hagsmunasamtök almennings ratar inn í stefnu VG. Þingmenn og ráðherrar þess flokks telja sig á engan hátt bundin af áherslum þessara almannasamtaka, taka sér þvert á móti stöðu með Sjálfstæðisflokknum sem telur það skyldu sína að verjast kröfum almennings.
Það er því alrangt að fullyrða að ríkisstjórn Katrínar Jakobsdóttur spanni litróf samfélagsins. Hagsmunir almennings hafa sáralítil, ef nokkur, áhrif á stefnu ríkisstjórnarinnar. Þannig er nú það.
