„Flytja inn loftslag, hvers lags kjaftæði er þetta?“
Kolbrún Baldursdóttir borgarfulltrúi Flokks fólksins var ekki hrifin eftir að hafa horft á fréttir í kvöld: „Listaverk verða hluti af heildarhönnun hverfisins en Reykjavíkurborg og lóðareigendur munu saman verja 140 milljónum króna til kaupa á verkinu.“ Og allir skála fyrir þessu!
„Fjárhæð sem verja á til kaupa á listaverki eða listaverkum í Vogabyggð nemur 140 milljónum króna og er verkefnið kostað sameiginlega af Reykjavíkurborg og lóðareigendum Vogabyggðar. Hér er klár staðfesting á hvar forgangsröðun borgarinnar liggur! Og það er ekki hjá börnum og fólki sem bíður á biðlista eftir húsnæði eða nær engan veginn endum saman. Ég vil minna á biðlista í húsnæði, fólk sem nær ekki endum saman, biðlista barna í alla mögulega þjónustu. Þrá borgarbúar eitthvað suðrænt. Hvar hefur það verið staðfest?“
Kolbrún spyr hvort ekki sé tímabært að meirihlutinn reyni að fara að snerta jörð?
„Flytja inn loftslag, hvers lags kjaftæði er þetta? Hjálmar Sveinsson lifir í einhverjum allt öðrum heimi en hinn almenni borgarbúi, segi ég, borgarfulltrúi Flokks fólksins sem vill að allir eigi fyrst og fremst fæði, klæði og húsnæði. Ekki étur maður pálmatré? Fólkið fyrst! Svo má spá í að flytja inn pálmatré í listaverkaformi.“
