Haldór Benjamín sagði ósatt
- segir Vilhjálmur Birgisson og segir að „svigrúmið“ myndi hækka lægstu laum um 5.068 krónur á mánuði.
Vilhjálmur Birgisson skrifar: Í gær var viðtal við Halldór Benjamín framkvæmdastjóra Samtaka atvinnulífsins þar sem hann sagði að ákvörðun VR, Eflingar og Verkalýðsfélags Akraness hefðu hægt á öllu samningsferlinu og þessar viðræður væru komnar byrjunarrétt. Rétt er að geta þess að þessar viðræður við SA hafa aldrei farið af byrjunarrétt því SA hefur neitað að svara hvert svigrúm til launahækkana sé.
Það sorglega í þessu viðtali var að framkvæmdastjóri SA sagði ósatt í þessu viðtali þegar hann hélt því fram að góður gangur væri í viðræðum við Starfsgreinasamband Íslands og þar væri fundað þétt þessa daganna. Sannleikurinn er hins vegar sá að ekki einn einasti fundur hefur átt sér stað á milli SA og SGS á þessu ári!
En í þessari frétt í kvöldfréttum stöðvar 2 kom einnig fram að aðildarfélög Samtaka atvinnulífsins telja að meðaltals svigrúm til launahækkana í komandi kjarasamningum sé einungis 1,9%
Það myndi þýða að lægsti taxti verkafólks sem nú stendur í 266.735 færi upp í 271.802 eða sem nemur 5.068 króna hækkun og eftir skatta myndi þessi launahækkun sem aðildarfélög Samtaka atvinnulífsins telja að sé til skiptanna skila í vasa lágtekjufólks á lægsta launataxta 3.004 krónum.
Er nema furða að maður hafi áhyggjur að það stefni í ein hörðustu verkafallsátök verkafólks í marga áratugi?
