Marinó G. Njálsson skrifar: „Því miður eiga ansi margir erfitt með að skilja, að þjóðin hefur verið svikin í 74 ár um að stjórnskipunarhluti stjórnarskrárinnar væri endurskoðaður og honum breytt svo hann endurspegli stjórnskipun lýðræðisríkis, þar sem valdið er hjá lýðnum, en ekki stjórnmálamönnum. Það sem meira er, spilltum stjórnmálamönnum. Bjarni Ben og fleiri framámenn stjórnmálaflokka í gegn um tíðina gera ekkert annað en að staðfesta þessa spillingu með því að leggjast gegn endurskoðun stjórnskipunarhluta stjórnarskrárinnar. Hvernig getur stjórnarskrá konungsríkis orðið að stjórnarskrá lýðræðisríkis með því einu að skipta um eitt orð á nokkrum stöðum? Hún gat það ekki og hefur aldrei verið stjórnarskrá lýðræðisríkis nema að nafninu til.“
Skrifin eru tekin af Facebooksíðu Marinós.
